الخميس، 30 ربيع الآخر، 1428 هـ

بص حاول تبعد عن المجتمع اللي انت عايش في

الحرية ..تصنعها براءة الأطفال







أبى أنت حر وراء السدود .. أبى أنت حر بتلك القيود" .. الأغنية التي رددها معاذ شحاتة ،أنس مالك ، صفية أبو زيد ، سارة أيمن عبد الغنى وغيرهم من أبناء المعتقلين، الذين دشنوا رابطة (أطفال من أجل الحرية) أمس خلال مؤتمر القاهرة الخامس الذي عقد بنقابة الصحفيين.

الحرية لآبائهم الذين تم القبض عليهم ظلما بعد اقتحام قوات أمن الدولة لبيوتهم فجرا وحجز أموالهم ومنعهم من التصرف فيها ليتم تحويلهم بعد ذلك للمحاكمة العسكرية

وكان أبناء المعتقلين قد أقاموا جانبا فى المؤتمر خاص بهم للتعريف بما حدث لأهليهم من محاكمات عسكرية وإطلاع مختلف الزائرين من كل دول العالم على ذلك.

وقام الأطفال بإجراء انتخابات لاختيار رئيس للرابطة حيث أعلنت ا لزهراء خيرت الشاطر منسقة الحركة عن الانتخابات وطلبت من تطوع أحد الحاضرين غير أبناء الإخوان ليقوموا بالإشراف على الانتخابات" لضمان النزاهة "، ثم قام الأطفال بالاختيار بين معاذ أحمد شحاتة وضياء أحمد فرحات، ويحيى محمود غزلان، وأنس حسن مالك، وعاصم محمود المرسي.
ليفوز أنس حسن مالك (12 سنة) بمنصب منسق للرابطة، وأعلنت صفية محمود أبو زيد ( 8 سنوات) البيان التأسيسي للرابطة، والذي جاء بعنوان( رابطة أطفال من أجل الحرية: هنرسم مصر جنة).

الثلاثاء، 7 ربيع الآخر، 1428 هـ

" والعزاء قاصر على تشييع الجنازة !!! "

" والعزاء قاصر على تشييع الجنازة !!! no comment "

انه في يوم الاحد احدى ايام دراستي بكلية التربية جامعة المنيا شعبة – عام رياضة الفرقة الاولى ونحن في احدى المحاضرا ت فاجئتنا دكتورة المادة اثناء الشرح بمناقشة بدات فيها بمحاورة الشباب – شبابنا الذي أأسف ان يكون غير مهتم بحاله او بدينه او بأي شئ سوى بعض التفاهات مع احترامي الشديد للفئة التي تهتم بالامور الجادية فيه – عن مشاكل الشباب في التعليم من حيث طموحهم وامالهم التي كانوا يتمنون ان يصلوا اليها ولكن الظروف حالت بينهم وبين امالهم، حيث انهم دخلوا الى كليات غير التي كانوا يرغبونها مثل هذه الدفعة من شعبة عام رياضة التي يبلغ عدد طلابها تقريبا نحو 270 طالب وطالبة ومعظمهم التحقوا بالكلية عن طريق التنسيق حيث ان معظمهم كان يرغب بالالتحاق بكلية الهندسة وكانت الفروق بينهم وبينها بسيطة .واذا باحد الطلاب يقوم ويتحاور مع الدكتورة حول مشكلته التي تتمثل في ان له اخين بالتعليم الازهري وهو الوحيد من بين اخوته الذي التحق بالتعليم الثانوي الصناعي واعتبر دخوله لهذا النوع من التعليم نكسة كبيره في حياته ولكنه سرعان ما فاق من هذه النكسة والتحق باحدى المعاهد الفنية الصناعية على امل منه ان يلتحق بكلية الهندسة ولكن لمرة اخر تقف الظروف حائلا بينه وبين ما كان يأمل ان يصل اليه لتقذفه الظروف في مفرمة التنسيق التي قذفت به الى كلية التربية جامعة المنيا وهو في الاصل من محافظة البحيرة ثم بدأ يور مع عجلة الزمن في الذهاب الى الكلية والسفر والمأسي والبعد عن الاهل الى ان جاء موعد اختبارات نصف العام وخاضها وهو تقريبا صفر اليدين من المعلومات والاستذكار – على حسب قوله – واذا بهذا الشاب الجرئ يفجر لنا مفاجأة من العيار الثقيل الا وهي : انه اقسم بالله امام زملائه وامام الدكتورة انه خاض احدى الاختبارات ولم يكتب فيها سوى اسمه فقط – الكلام للطالب العزيز – وفوجئ حينما ظهرت النتيجة بانه حاصل على تقدير جيد في هذا الاختبار !!!! فياللعجب من هذا الحدث الذي يسفر لنا عن ظهور نعشا جديدا يظهر على الساح المصرية للجامعات في ظل الظروف الحالكة التي نمر بها الا وهو نعش التعليم الجامعي ....والعزاء قاصر على تشييع الجنازة !!!وفي النهاية لا تعليق
no comment
اعده / مراسل جامعتنا اون لاين

" دماغنا دي ولا علبة سردين "


" دماغنا دي ولا علبة سردين "




في يوم من ايام الدراسة بالجامعة كان عندي محاضرات كثير اوي بدرجة مش معقولة وكانت تبدأ بمحاضرة من 8ص الى 10 ص ثم نوح بسرعة كده خبط لزق من غير احم ولا دستور ولا حتى ناخد نفسنا لل محاضرة اللي بعديها من 10 ص الى 12 م وتوالت المحاضرات – وكله طبعا فوق دماغنا والدكاترة ولا ليها دعوة الطلبة خدوا رست ولا لا ؟؟ ولا ليهم دعوة باي حاجة غير انهم يشرحوا موادهم وربنا يكون في عونهم برده وكله طبعا حسب تعليمات السيد الرئيس عميد الكلية زز الذي نكن له جميعا خالص الاحترام .. المهم نرجع للمحاضرات ومواعيدها – بعد المحاضرة اللي انتهت الساعة 12 م ذهبنا لمحاضرة برده وراها على طول من 12 م الى 2 م وبعد انتهائها ذهبنا الى محاضرة اخرى من الساعــ2م ــة والمفروض انها تنتهي الساعـــ4م ـة وفي هذه المحاضرة اصبحت روؤسنا بعد الطحن والدب والخبط والرزع كالقنبلة التي كادت ان تنفجر من كتر الحشو ومن كتر ما احنا مش ملاحقين .. وفيها ايضا – اقصد المحاضرة – استمر الدكتور (ربنا يكرمه ) في الحديث منذ اول دقيقة في المحاضرة الى قرابة الساعة وثلاثة ارباع الساعة من زمن المحاضرة ودون لحظة توقف واحدة لدرجة ان معظم الطلاب خلوا الى النوم وبعضهم بدأ في الانصراف واذا بالدكتور يفاجئنا انه سيستمر معنا الى ساعة ونصف ساعة اخرى وهو يرى حالنا المطحون واذا شئت قل ايضا المعجون نظرا لارتفاع درجة الحرارة في هذا اليوم وجميع الطلاب مهيسين ومش فايقين - من حقهم طبعا - وبدأت اصوات الضجيج تعلوا في القاعة والدكتور مستمر في حديثه و دو مراعاة للطلاب .حد يقولي يا جماعة حراده ولا حلال يا عالم ؟؟

الأحد، 5 ربيع الآخر، 1428 هـ

سؤال صريح جدا .. ياترى احنا لسه بنحب مصر ؟؟

سؤال صريح جدا .. ياترى احنا لسه بنحب مصر ؟؟
السلام علييكم يا شباب .. جايين انهارده ومعانا موضوع فى غاية الخطورة لكل شاب مصري وفتاه مصرية وبنسألهم لسه بتحبوا مصر تعالوا معانا نقرا الموضوع وياريت نناقشه مع بعض ..
يا ترى إحنا لسة بنحب مصر ؟؟؟؟؟
قبل ما تندفع وتقول طبعا دى مصر هى امى ونيلها هو دمى وتكلمنى عن شهامة ولاد البلد واخلاق بنت البلد وبنات وسط البلد ...... خلينا نتكلم بواقعية شوية .يا ترى يا جماعة مصر بتمثل لكل شاب فينا ايه ..... ياترى ذكرياتك الحلوة فيها اكتر ولا الوحشة ؟؟؟؟مصر بلدنا اللى اتحولت الحياة فيها لمعاناة مستمرة من اول ما تفتح عينيك الصبح لحد ما تغمضها باليل ...... تنزل الصبح من البيت ويبدأ الصراع .... صراع مع سواق الميكروباص وصراع مع ركاب الميكروباص ..... صراع مع زميلك فى الشغل وصراع مع ظابط المرور ومع سواق التاكسى ومع موظفين الحكومة ومع الناس اللى فى الشارع وصراع مع أصحابك فى الجامعة او المدرسة وصراع مع المدرسين ....... سيبك طبعا من صراع غض البصر اللى غالبا بتخسر فيه لأنك ممكن تخبط فى عامود نور وانت ماشى عشان مبقاش ينفع تبص غير فى الأرض ...... مصر اللى مبقاش فيها حاجة صح لا تعليم ولا صحة ولا إسكان ولا اخلاق .... مصر اللى الشرطة فيها بتقهرنا واصحاب رأس المال بيستعبدونا .... مصر اللى شعبها من كتر الهم والجوع اتخلقت عنده عقد نقص وكراهية ضد الأخرين ..... مصر اللى كتر فيها الإجرام وبدل شهامة ولاد البلد ... بقى تحرش الولاد بالبنات فى وسط البلد ..... مصر اللى تخاف على بنتك ومراتك واختك يمشوا لوحدهم فى الشارع خايف عليهم من 1000 خطر ... تحرش وسرقة وإغتصاب وسفاح المعادى ورخامة امناء الشرطة وغلاسة ولاد البلد .شايفين بلادنا بقيت عاملة إزاى يا جماعة ؟؟؟ ....... يا جماعة محدش يفهم انى عايز اقول انى بكره بلادى او بحرض على كراهيتها ..... ابدا والله انا بفضفض عشان انا نفس مبقيتش فاهم ........ شايفين كل البلاوى اللى فى مصر دى ؟؟؟؟؟ بس برغم كدة حد فينا حاسس انه بيكره مصر ؟؟؟؟؟ بردو لأ ............ طيب مصر دى ايه حكايتها .انا حاسس الإحساس ده وعارف انكو كلكوا حاسين نفس الإحساس ........ كل ما احاول اكرهها ميهونش عليا اقولها ..... كل ما افكر انى اهاجر قلبى مايطاوعنيش انى اتخيل حتى .... كل ما اتخنانق مع سواق ميكروباص أو مدرس فى مدرستى او دكتور فى جامعتى ..... اقابل راجل أو شاب طيب مبتسم قاعد جمبى فلا املك إلا الإبتسام ....... كل ما اتقزز من افعال الشرطة ومن التعامل معاهم ....... اقع فى ظابط ابن ناس اوى ومحترم والاقيه بيعامل الناس كويس ...... كل ما افتكر مشاكل سواقين التاكسى اركب مع سواق تانى راجل بركة يدعيلى ويطبطب عليا ........ كل ما اتخنق من البنات الكاسيات العاريات اقابل اخت محترمة كويسة اوى .... اقول الحمد لله الدنيا بردو بخير ............ كل اما اشوف العراق واللى بيحصل فيها واتخيل ان ده ممكن يحصل لمصر احس بألف شوكة فى قلبى واحس ان الدم بيغلى فى عروقى وعايز اقف على حدودها واموت الف مرة دفاعا عن بلادى .يا جماعة انا بجد مش فاهم ..... يا ترى جيلنا ده بيحب مصر ولا لأ ؟ وحد يرد عليا يفهمنى هو انا لوحدى اللى متعذب فى حب وكراهية البلد دى ولا ده إحساس جيلنا كله ؟؟؟ تعالو نواجه نفسنا ونجاوب عالسؤال ده
ياترى احنا لسة بنحب مصر ؟؟؟؟
منقول

الثلاثاء، 29 ربيع الأول، 1428 هـ

طلقة من طلقات المعتقل ...نفجرها.. من داخل القضبان!!!!!

بكت عيني .... بكت عيني
بكت عيني اليكـــــم بكت عيني
بكت شوقــــــــــــــا بكت امــــــلا
بكت حزنـــــــــــــا بكت فرحــــــــا
بكت عيني .... بكت عيني
بكت عيني يا احباب طال الغياب بكت عيني
بكت عيني واسفاه على سجني بكت عيني
بكت عيني واشوقاه الى الاخوان بكت عيني
بكت عيني .... بكت عيني
فناديت ربي مناجيا بـــــــــــــــأني الفقير
اني الضعيف اني الذليل بــــــــــــــأني الشكور
اني السجين اني الصبور بـــــــــــــــأني الاسير
بكت عيني .... بكت عيني
أنت العفو أنت الغفور فـــــــــأنت الرحيم
أنت الرحيم أنت الكريم أنت العلـــــــــــــي
أنت الحليم أنت العظيم أنت الغنـــــــــــــي
بكت عيني .... بكت عيني
فيا رحماك يا ربي فأنت الرحيــــــــم
فيا كرمك يا ربي فأنت الكريــــــــم
فيا علمك يا ربي فأنت العليـــــــــم
بكت عيني .... بكت عيني
فأنا المذنب يا ربي فإغفر لــــــــــــي
فأنا المقصر يا ربي فإعفو عـنــــــــي
و أنا الاســــــــــــير ففك اســـــــــري
بكت عيني